ന്യൂഡല്ഹി: ചോദ്യപേപ്പര് ചോര്ച്ചയില് മൗനം വെടിഞ്ഞ് പ്രധാനമന്ത്രി മോദി. കുറ്റക്കാര്ക്ക് ശിക്ഷ ഉറപ്പാക്കുമെന്ന് പ്രധാനമന്ത്രി ഫേസ്ബുക്കില് കുറിച്ചു. ഇതിനായി ഫാസ്റ്റ് ട്രാക്ക് കോടതികള് സ്ഥാപിക്കും. എല്ലാം നടപടികളും സ്വീകരിക്കാന് ബന്ധപ്പെട്ട അധികാരികള്ക്ക് നിര്ദേശം നല്കിയിട്ടുണ്ട്. വിദ്യാര്ഥികളുടെ താത്പര്യങ്ങള് സംരക്ഷിക്കും. യുവാക്കളുടെ ഭാവി തകര്ക്കുന്നവരെ വെറുതെവിടില്ലെന്നും പ്രധാനമന്ത്രി ഫേസ്ബുക്കില് കുറിച്ചു.
നീറ്റ് ചോദ്യപേപ്പര് ചോര്ച്ചക്ക് ശേഷം ആദ്യമായാണ് പ്രധാനമന്ത്രി പ്രതികരിക്കുന്നത്. മേയ് മൂന്നിന് നടന്ന നീറ്റ് പരീക്ഷയുടെ ചോദ്യപേപ്പര് ആയിരുന്നു ചോര്ന്നത്. 81 ദിവസങ്ങള്ക്ക് ശേഷമാണ് പ്രധാനമന്ത്രി പ്രതികരിക്കുന്നത്. വിദ്യാഭ്യാസമന്ത്രി ധര്മേന്ദ്ര പ്രധാന്റെ രാജി ആവശ്യപ്പെട്ട് സിജെപി പ്രതിഷേധം സംഘടിപ്പിക്കുകയും ഇതിന് ഐക്യദാര്ഢ്യം പ്രഖ്യാപിച്ച് രാഹുല് ഗാന്ധിയടക്കം തെരുവിലിറങ്ങുകയും ചെയ്തതോടെ പ്രധാനമന്ത്രിയുടെ മൗനം വീണ്ടും ചര്ച്ചയായിരുന്നു. ഈ പശ്ചാത്തലത്തിലാണ് പ്രധാനമന്ത്രിയുടെ പ്രതികരണം.
