പാലക്കാട്: പാലക്കാട് മണ്ഡലത്തില് യുഡിഎഫ് സ്ഥാനാര്ത്ഥി രാഹുല് മാങ്കൂട്ടത്തില് മുന്നിലെത്തിയതോടെ യുഡിഎഫ് ക്യാമ്പില് ആഘോഷം തുടങ്ങി. ട്രോളി ബാഗുമായാണ് പ്രവര്ത്തകര് ആഹ്ലാദപ്രകടനം നടത്തുന്നത്. ബാഗ് തലയിലേറ്റിയും വലിച്ചും പ്രവര്ത്തകര് രംഗത്തെത്തി.
പാലക്കാട് തെരഞ്ഞെടുപ്പ് പ്രചാരണത്തിനിടെ ബാഗില് പണം കടത്തിയെന്ന ആരോപണത്തില് റെയ്ഡ് നടന്നത് വിവാദമായിരുന്നു. കോണ്ഗ്രസ് നേതാക്കളുടെ മുറിയിലുള്പ്പെടെ അര്ധരാത്രിയില് നടത്തിയ റെയ്ഡില് ഒന്നു കണ്ടെത്താനായിരുന്നില്ല. പിന്നീട് നീല ട്രോളി ബാഗുമായി മാധ്യമങ്ങള്ക്ക് മുന്നില് പ്രത്യക്ഷപ്പെട്ട രാഹുല് തന്റെ വസ്ത്രങ്ങളാണ് ബാഗിലുണ്ടായിരുന്നതെന്ന് വ്യക്തമാക്കിയിരുന്നു.
