അതിജീവിതയുടെ ഹര്ജി പരിഗണിക്കുന്നതില് നിന്നും ജഡ്ജി പിന്മാറി. ജസ്റ്റിസ് കൗസര് എടപ്പഗത്താണ് പിന്മാറിയത്. നാളെ മറ്റൊരു ബെഞ്ച് ഹര്ജി പരിഗണിക്കും. ഏത് ബെഞ്ചിലേക്ക് ഹര്ജി മാറ്റണമെന്നത് ഇനി ചീഫ് ജസ്റ്റിസ് ആവും തീരുമാനിക്കുക.
ഇന്ന് രാവിലെ കോടതി നടപടികള് ആരംഭിച്ചതിന് പിന്നാലെ കേസ് പരിഗണിക്കുന്നതില് നിന്ന് പിന്മാറണമെന്ന് അഭിഭാഷകയായ അഡ്വ. പി.വി മിനി മുഖേനെ നടി ആവശ്യപ്പെട്ടിരുന്നു. ഉടന് തന്നെ ഹര്ജി കേള്ക്കുന്നതില് നിന്ന് നിന്ന് പിന്മാറുകയാണെന്ന് ജസ്റ്റിസ് അറിയിച്ചു.
ജഡ്ജി ഇന്ന് സ്വയം പിന്മാറിയില്ലെങ്കില് കേസില് വാദം കേള്ക്കുന്നതില് നിന്ന് പിന്മാറാന് അതിജീവിത ആവശ്യപ്പെടുമെന്ന് അഭിഭാഷകന് നേരത്തെ വ്യക്തമാക്കിയിരുന്നു. വിചാരണ കോടതിയില് കേസ് പരിഗണിച്ച ജഡ്ജിക്ക് ഈ ഹര്ജി പരിഗണിക്കാന് ആകില്ലെന്നാണ് അതിജീവിതയുടെ നിലപാട്.
