നാദാപുരം: വളയത്ത് ഛര്‍ദ്ദിയും വയറിളക്കവും ബാധിച്ച് ഗുരുതരാവസ്ഥയിലായിരുന്ന വിദ്യാര്‍ഥിനി മരിച്ചു. ജന്മഭൂമി നാദാപുരം ലേഖകന്‍ സജീവന്‍ വളയത്തിന്റെ മകള്‍ ദേവതീര്‍ഥയാണ് (14) കോഴിക്കോട് സ്വകാര്യ ആശുപത്രിയില്‍ മരിച്ചത്. ഭക്ഷ്യവിഷ ബാധയെന്ന് സംശയം.
വളയം ഗവ. ഹയര്‍ സെക്കന്ററി സ്‌കൂള്‍ ഒന്‍പതാം ക്ലാസ് വിദ്യാര്‍ഥിനിയാണ്. അമ്മയോടൊപ്പം പൊയിലൂരിലെ വീട്ടിലായിരുന്ന ദേവതീര്‍ഥക്ക് രണ്ടു ദിവസം മുമ്പാണ് ഛര്‍ദ്ദിയും വയറിളക്കവും മറ്റ് അസ്വസ്ഥതകളും അനുഭവപ്പെട്ടത്. തുടര്‍ന്ന് തലശ്ശേരിഇന്ദിരാഗാന്ധി സഹകരണ ആശുപത്രിയില്‍ ചികിത്സയിലായിരുന്ന കുട്ടിയെ രോഗം മൂര്‍ച്ചിച്ഛതോടെ കോഴിക്കോടേക്ക് മാറ്റുകയായിരുന്നു. ഇന്നു രാവിലെയാണ് മരണം. പോസ്റ്റ് മോര്‍ട്ടത്തിന് ശേഷം മൃതദേഹം വൈകീട്ട് വളയത്തെ വീട്ടുവളപ്പില്‍ സംസ്‌കരിക്കും. അമ്മ: ഷൈജ. ഒരു സഹോദരിയുണ്ട്.
