ബത്തേരി കോഴ വിവാദത്തില് ശബ്ദരേഖ പരിശോധിക്കാന് കോടതി ഉത്തരവ്. ആരോപണം ഉന്നയിച്ച പ്രസീത അഴീക്കോടും ബിജെപി സംസ്ഥാന അധ്യക്ഷന് കെ സുരേന്ദ്രനും തമ്മിലുള്ള ശബ്ദരേഖ പരിശോധിക്കാനാണ് ബത്തേരി ജുഡീഷ്യല് മജിസ്ട്രേറ്റ് കോടതി ഉത്തരവിട്ടത്.പരിശോധനയ്ക്കായി ശബ്ദ സാംപിളുകള് കാക്കനാട് ചിത്രാഞ്ജലി സ്റ്റുഡിയോയിലെത്തി നല്കാനും കോടതി നിര്ദേശിച്ചിട്ടുണ്ട്.
നിയമസഭ തെരഞ്ഞെടുപ്പില് സുല്ത്താന് ബത്തേരി മണ്ഡലത്തില് മത്സരിക്കാന് സി കെ ജാനുവിന് ബിജെപി സംസ്ഥാന അധ്യക്ഷന് കെ സുരേന്ദ്രന് കോഴ നല്കിയെന്ന കേസിലാണ് നടപടി. തെരഞ്ഞെടുപ്പ് കോഴക്കേസില് നിലവില് ക്രൈംബ്രാഞ്ച് അന്വേഷണം പുരോഗമിക്കുകയാണ്. സി കെ ജാനുവിന് ബിജെപി സംസ്ഥാന അധ്യക്ഷന് തിരുവനന്തപുരത്ത് വച്ച് 10 ലക്ഷവും ബത്തേരിയില് വച്ച് 25 ലക്ഷം രൂപയും നല്കിയെന്നാണ് ജെആര്പി മുന് നേതാവായിരുന്ന പ്രസീത അഴീക്കോട് വെളിപ്പെടുത്തിയിരുന്നത്. ഇത് തെളിയിക്കാന് പല ഘട്ടങ്ങളിലായി സുരേന്ദ്രനുമായി നടത്തിയ ഫോണ് സംഭാഷണങ്ങളും പ്രസീത പുറത്തുവിട്ടിരുന്നു.
