ഹർത്താലിനെതിരായ ഹർജി ഹൈക്കോടതി തള്ളി. തിങ്കളാഴ്ചത്തെ ഹർത്താൽ നിയമവിരുദ്ധമായി പ്രഖ്യാപിക്കണമെന്ന് ചൂണ്ടിക്കാട്ടി സർപ്പിച്ച പൊതുതാത്പര്യ ഹർജിയാണ് കോടതി തള്ളിയത്.
ഹർത്താൽ നിയമവിരുദ്ധമായി പ്രഖ്യാപിക്കാനാവില്ലെന്നും കോടതി വ്യക്തമാക്കി. താൽപര്യമുള്ളവർക്ക് ജോലി ചെയ്യാൻ സൗകര്യമൊരുക്കുമെന്ന് സർക്കാർ കോടതിയെ അറിയിച്ചു. ഹർത്താലിൽ പങ്കെടുക്കാത്തവർക്ക് സംരക്ഷണമൊരുക്കുമെന്നും സർക്കാർ വ്യക്തമാക്കി.
അനിഷ്ട സംഭവങ്ങൾ ഉണ്ടാകുന്നില്ലായെന്ന് സർക്കാർ ഉറപ്പു വരുത്തും. സർക്കാരിന്റെ ഉറപ്പിൻമേൽ ഹർജി ഹൈക്കോടതി തീർപ്പാക്കി.തിങ്കളാഴ്ച നടക്കാനിരിക്കുന്ന ഹര്ത്താലിന് എല്ഡിഎഫും യുഡിഎഫും പിന്തുണ പ്രഖ്യാപിച്ചിട്ടുണ്ട്. ഈ സാഹചര്യത്തിലാണ് ഹര്ത്താല് തടയണമെന്നാവശ്യപ്പെട്ടുള്ള ഹര്ജി ഹൈക്കോടതിക്ക് മുന്നിലെത്തിയത്. ഹര്ത്താല് നിയമവിരുദ്ധമായി പ്രഖ്യാപിക്കണമെന്നും സ്റ്റേ ചെയ്യണമെന്നും ആവശ്യപ്പെട്ടായിരുന്നു ഹര്ജി.
