കോഴിക്കോട്: പ്രസവ ശസ്ത്രക്രിയയ്ക്കിടെ വയറ്റില് കത്രിക മറന്നുവച്ച സംഭവത്തില് നഷ്ടപരിഹാരം ആവശ്യപ്പെട്ട് ഹര്ഷിന സമരസമിതി ഹൈക്കോടതിയിലേക്ക്. ഒരു കോടി രൂപയാണു നഷ്ടപരിഹാരമായി ആവശ്യപ്പെട്ടിരിക്കുന്നത്. കേസില് പൊലീസ് കുറ്റപത്രം സമര്പ്പിച്ച ശേഷം ഹൈക്കോടതിയില് ഹരജി നല്കുമെന്ന് ഹര്ഷിന അറിയിച്ചു. കോടതി ചെലവിനുള്ള പണം നാട്ടുകാരില്നിന്ന് പിരിച്ചെടുക്കും.
പ്രസവ ശസ്ത്രക്രിയയ്ക്കിടെ വയറ്റില് കത്രിക മറന്നുവച്ച കേസില് കുറ്റപത്രം ചൊവ്വാഴ്ച കുന്ദമംഗലം കോടതിയില് സമര്പ്പിക്കും. കേസില് ഡോക്ടര്മാരെയും നഴ്സുമാരെയും പ്രോസിക്യൂട്ട് ചെയ്യാന് ആരോഗ്യവകുപ്പ് അനുമതി നല്കിയിരുന്നു.
