സംസ്ഥാന യുവജന കമ്മീഷൻ അധ്യക്ഷ ചിന്ത ജെറോമിന് കുടിശിക അനുവദിച്ച് സര്ക്കാര് ഉത്തരവിറക്കിയത് ചിന്തയുടെതന്നെ കത്തിന്റെ അടിസ്ഥാനത്തിൽ.യുവജനക്ഷേമ പ്രിന്സിപ്പല് സെക്രട്ടറിക്കാണ് കത്ത് കൈമാറിയത്. ചിന്താ ജെറോമിന്റെ തന്നെ ലെറ്റര് ഹെഡില് പ്രിന്സിപ്പല് സെക്രട്ടറിക്കയച്ച കത്താണ് പുറത്തുവന്നത്. സാമ്പത്തിക പ്രതിസന്ധിക്കിടയില് ചിന്താ ജെറോമിന് വര്ധിപ്പിച്ച ശമ്പളം മുന്കാല പ്രാബല്യത്തോടെ കുടിശ്ശിക അുവദിക്കാന് ധനവകുപ്പ് അനുമതി കൊടുത്തത് വിവാദമായപ്പോള് താന് സര്ക്കാരിനോട് കുടിശ്ശിക വേണമെന്ന് ആവശ്യപ്പെട്ടില്ലെന്നായിരുന്നു ചിന്ത മാധ്യമങ്ങളോട് പറഞ്ഞിരുന്നത്. അങ്ങനെയൊരു കത്തുണ്ടെങ്കില് പുറത്തുവിടാനും ചിന്ത വെല്ലുവിളിച്ചിരുന്നു. ചിന്ത കുടിശിക ആവശ്യപ്പെട്ട് കത്ത് നൽകിയത് പ്രിൻസിപ്പല് സെക്രട്ടറി എം. ശിവശങ്കറിന്നാണ്. 22/8/2022 ൽ ഈ കത്ത് എം ശിവശങ്കർ തുടർ നടപടിക്കായി അയച്ചു.
