മാവോയിസ്റ്റ് രൂപേഷിനെതിരായ യു.എ.പി.എ പുനഃസ്ഥാപിക്കണമെന്ന്സുപ്രീം കോടതിയില്.വളയം, കുറ്റിയാടി പൊലീസ് സ്റ്റേഷനുകളില് രജിസ്റ്റര് ചെയ്തിരുന്ന മൂന്ന് കേസുകളില് യുഎപിഎ വകുപ്പുകള് പുനഃസ്ഥാപിക്കണമെന്ന് ആവശ്യപ്പെട്ടാണ് സംസ്ഥാന സര്ക്കാര് ഹര്ജി ഫയല് ചെയ്തിരിക്കുന്നത്. രൂപേഷിന് എതിരായ യുഎപിഎ കേസുകള് റദ്ദാക്കിയ ഹൈക്കോടതി ഡിവിഷന് ബെഞ്ച് വിധി അടിയന്തരമായി സ്റ്റേ ചെയ്യണമെന്ന് ഹര്ജിയില് ആവശ്യപ്പെട്ടു. കേസുകളുടെ മെറിറ്റിന്റെ അടിസ്ഥാനത്തിലല്ല ഹൈക്കോടതി നടപടിയെന്നും സംസ്ഥാന സര്ക്കാര് ഹരജിയില് ആരോപിച്ചിട്ടുണ്ട്. ഹൈക്കോടതി ഡിവിഷന് ബെഞ്ച് വിധി അടിയന്തരമായി സ്റ്റേ ചെയ്യണമെന്നും സ്റ്റാന്ഡിംഗ് കോണ്സല് ഹര്ഷദ് വി ഹമീദ് ഫയല് ചെയ്ത ഹരജിയില് ആവശ്യപ്പെട്ടിട്ടുണ്ട്.
2013ല് കുറ്റ്യാടിയില് രജിസ്റ്റര് ചെയ്ത രണ്ട് കേസുകള്, 2014ല് വളയത്ത് രജിസ്റ്റര് ചെയ്ത ഒരു കേസ് എന്നീ യു.എ.പി.എ കേസുകളാണ് ഹൈക്കോടതി ഡിവിഷന് ബെഞ്ച് റദ്ദാക്കിയത്.
