വൈക്കത്ത് വീട്ടുമുറ്റത്ത് കഞ്ചാവ് കൃഷി നടത്തിയ കേസില് യുവാവ് അറസ്റ്റില്. വെച്ചൂര് സ്വദേശി പി ബിപിന് എന്നയാളെയാണ് എക്സൈസ് അറസ്റ്റ് ചെയ്തത്. ഇയാളെ പിന്നീട് കോടതിയില് ഹാജരാക്കി റിമാന്ഡ് ചെയ്തു.
ബിബിന് വീട്ടില് കഞ്ചാവ് ചെടികള് നട്ട് വളര്ത്തുന്നുണ്ടെന്ന രഹസ്യ വിവരത്തെ തുടര്ന്നാണ് എക്സൈസ് വിഭാഗം അന്വേഷണം നടത്തിയത്. ഇയാളുടെ വീട്ടുമുറ്റത്ത് നിന്നും 64 സെന്റീമീറ്റര് മുതല് 90 സെന്റീമീറ്റര് വരെയുള്ള നാല് കഞ്ചാവ് ചെടികളാണ് കണ്ടെത്തിയത്. വീട്ടുമുറ്റത്ത് വേലി കെട്ടിത്തിരിച്ച് വെള്ളവും വളവും നല്കിയാണ് കഞ്ചാവ് ചെടികളെ യുവാവ് പരിചരിച്ചിരുന്നത്. എക്സൈസ് റേഞ്ച് ഇന്സ്പെക്ടര് ജി കൃഷ്ണകുമാര് സംഘവും ചേര്ന്നാണ് കഞ്ചാവ് ചെടി കണ്ടെത്തിയത്.