കുന്ദമംഗലം: വയനാട് ദുരന്തത്തിൽ ദുരിതമനുഭവിക്കുന്ന മുഴുവൻ ആളുകളുടെയും ബാങ്ക് വായ്പകൾ എഴുതി തള്ളണമെന്ന് കുന്ദമംഗലം മണ്ഡലം കമ്മറ്റി സർക്കാറിനോട് ആവശ്യപ്പെട്ടു. പാലാഴിയിൽ ചേർന്ന മണ്ഡലം യോഗത്തിൽ ഐ എൻ എൽ ജില്ലാ പ്രസിഡൻറ് ശോഭാ അബൂബക്കർ ഹാജി ഉൽഘാടനം ചെയ്തു. സംസ്ഥാന ലോയോഴ്സ് ഫോറം ജനറൽ സെക്രട്ടറി അഡ്വ: വി പി എ സിദ്ദിഖ് പൊളിറ്റിക്കൽ ക്ലാസിന് നേതൃത്വം നൽകി. പുതിയതായി തിരഞ്ഞെടുത്ത ജില്ലാ നേതാക്കൾക്ക് സ്വീകരണവും സംസ്ഥാന കമ്മറ്റിയുടെ നേതൃത്വത്തിൽ നടത്തുന്ന ദുരിതാശ്വാസ ഫണ്ടിലേക്കുള്ള വിഹിതം സ്വീകരിക്കുകയും ചെയ്തു. ജില്ലാ നേതാക്കളായ ഒ പി അബ്ദുറഹിമാൻ, പി എൻ കെ അബ്ദുള്ള,ടി പി അബൂബക്കർ ഹാജി, നരേന്ദ്രൻ മാവൂർ , റഊഫ് പാലാഴി എന്നിവർ സംസാരിച്ചു. മണ്ഡലം ഭാരവാഹികൾ: പി ടി മുഹമ്മദ് (പ്രസിഡൻറ്), ഹമീദ് ഹാജി പാലാഴി, നാസർ മൗലവി മാവൂർ, യൂസഫ് പാലാഴി (വൈസ് പ്രസിഡൻറ്മാർ), ജാബിർ പടനിലം (ജനറൽ സെക്രട്ടറി), റഊഫ് പാലാഴി, അബൂബക്കർ മലയമ്മ, നസറുദ്ദീൻ പാലാഴി (സെക്രട്ടറിമാർ) ആർ കെ മുഹമ്മദ് മലയമ്മ (ട്രഷറർ).
