രാഹുല് മാങ്കൂട്ടത്തില് വിഷയത്തില് കോണ്ഗ്രസ് എടുത്തത് മാതൃകാപരമായ തീരുമാനമെന്ന് കെപിസിസി ജനറല് സെക്രട്ടറി എം. ലിജു. ആരോപണം ഉയര്ന്നപ്പോള് തന്നെ യൂത്ത് കോണ്ഗ്രസ് അധ്യക്ഷസ്ഥാനത്തുനിന്ന് മാറ്റിനിര്ത്തി. സിപിഐഎം, ആരോപണ വിധേയര്ക്ക് എതിരെ ഒരു നടപടിയും സ്വീകരിചില്ല.
ആരോപണം തെളിയിക്കുന്നത് വരെ അദ്ദേഹം കുറ്റാരോപിതനാണ്. ഇക്കാര്യത്തില് സിപിഐഎം അപഹസിക്കുന്നത് ലജ്ജാവഹം. പാര്ട്ടിക്ക് ഉള്ളില് അഭിപ്രായം പറയുന്നവരെ ഹിംസിക്കുന്ന പാരമ്പര്യം കോണ്ഗ്രസിന് ഇല്ല.
അഭിപ്രായസ്വാതന്ത്ര്യം പാര്ട്ടിയില് ഉണ്ട്. സസ്പെന്ഷന് കാലാവധി വ്യക്തമാക്കാത്തതാണ് ഈ നടപടിയുടെ ശക്തി പ്രകടമാക്കുന്നത്. രാഹുലിന് കാര്യങ്ങള് വിശദീകരിക്കാനുള്ള അവസരമുണ്ട്. സാമുദായിക സമവാക്യങ്ങള് യൂത്ത് കോണ്ഗ്രസ് അധ്യക്ഷന് തിരഞ്ഞെടുപ്പില് ഉണ്ടെന്ന് കരുതുന്നില്ലെന്നും എം ലിജു വ്യക്തമാക്കി.
