കരിപ്പൂര്‍ സ്വര്‍ണക്കടത്ത് കേസിലെ മുഖ്യ ആസൂത്രകന്‍ അര്‍ജുന്‍ ആയങ്കിയുമായുള്ള ബന്ധത്തിന്‍റെ പേരില്‍ ഡിവൈഎഫ്‌ഐ നേതാവായിരുന്ന സി സജേഷിനെതിരെ പാര്‍ട്ടി നടപടി. ഡിവൈഎഫ്‌ഐ ചെമ്പിലോട് മേഖല സെക്രട്ടറിയായിരുന്ന സജേഷിനെ പാര്‍ട്ടിയുടെ പ്രാഥമിക അംഗത്വത്തില്‍ നിന്ന് സിപിഐഎം സസ്‌പെന്‍ഡ് ചെയ്തു.സജേഷിനെ സിപിഐഎം അഞ്ചാരക്കണ്ടി ഏരിയ കമ്മറ്റി അന്വേഷണ വിധേയമായാണ് സസ്‌പെന്‍ഡ് ചെയ്തിരിക്കുന്നത്
സജേഷിന്റെ പേരിലുള്ള കാറാണ് സ്വര്‍ണക്കടത്തിനായി അര്‍ജുന്‍ ഉപയോഗിച്ചതെന്നാണ് കസ്റ്റംസ് പറയുന്നത്. സംഭവം പുറത്ത് വന്നതോടെ സാമൂഹ്യ വിരുദ്ധ സംഘങ്ങളുമായി ബന്ധം പുലര്‍ത്തിയെന്ന് കണ്ട് സജേഷിനെ ഡിവൈഎഫ്‌ഐ സംഘടനയുടെ പ്രാഥമിക അംഗത്വത്തില്‍ നിന്നും പുറത്താക്കി. പിന്നാലെയാണ് സിപിഐഎം നടപടി. .
