പാലക്കാട് അട്ടപ്പാടിയില് നാല് വയസ്സുള്ള ആദിവാസി ബാലന് ക്രൂരമര്ദ്ദനം. സ്വന്തം അമ്മയും സുഹൃത്തും ചേര്ന്ന് കുട്ടിയുടെ കാല്പാദങ്ങളും കൈവിരലുകളും സ്റ്റൗവില് വെച്ച് പൊള്ളിച്ചു. ഇലക്ട്രിക് വയറുകള് ഉപയോഗിച്ച് കുട്ടിയെ ക്രൂരമായി തല്ലുകയും ചെയ്തു.
കുട്ടിയെ കോട്ടത്തറ ട്രൈബല് ആശുപത്രിയില് പ്രവേശിപ്പിച്ചിരിക്കുകയാണ്. മര്ദ്ദനമേറ്റ കുട്ടിയുടെ കാലിന്റെ താഴ്ഭാഗത്തെ മാസം അടര്ന്ന് പോയിട്ടുണ്ട്.
കുട്ടിയുടെ അച്ഛന് നല്കിയ പരാതിയുടെ അടിസ്ഥാനത്തില് അമ്മയെയും, അമ്മയുടെ സുഹൃത്ത് ഉണ്ണികൃഷ്ണനെയും അഗളി പൊലീസ് അറസ്റ്റ് ചെയ്തു. കുട്ടിയുടെ അമ്മയും സുഹൃത്തും ഒരുമിച്ചാണ് താമസിക്കുന്നത്. കുട്ടിയും ഇവരോടൊപ്പമാണ് ഉണ്ടായിരുന്നത്.
