നോക്കുകൂലി ആവശ്യപ്പെട്ടതായി പരാതി ലഭിച്ചാല് എഫ്.ഐ.ആര് രജിസ്റ്റര് ചെയ്ത് അന്വേഷണം നടത്താന് സംസ്ഥാന പൊലീസ് മേധാവി അനില്കാന്ത് ജില്ലാ മേധാവിമാര്ക്ക് നിർദേശം നല്കി. നോക്കുകൂലി സംബന്ധിച്ച കേസുകളിൽ പിടിച്ചുപറിക്കും മറ്റ് കുറ്റകൃത്യങ്ങൾക്കുമുളള വകുപ്പുകൾ ഉൾപ്പെടുത്തി കേസ് രജിസ്റ്റർ ചെയ്യണമെന്ന ഹൈക്കോടതി നിർദ്ദേശത്തെത്തുടർന്നാണ് സംസ്ഥാന പൊലിസ് മേധാവി സർക്കുലർ പുറപ്പെടുവിച്ചത്.സ്റ്റേഷന് ഹൗസ് ഓഫീസര്മാര് അവസരത്തിനൊത്തുയര്ന്ന് പ്രവര്ത്തിച്ച് പരാതിക്കാരുടെ ബുദ്ധിമുട്ടുകളും ചെയ്യാത്ത ജോലിക്ക് കൂലി നല്കേണ്ട അവസ്ഥയും ഒഴിവാക്കാന് നടപടി സ്വീകരിക്കണമെന്നും നിർദ്ദേശിച്ചു
