കെഎസ്ആര്ടിസി ബസുകളില് സര്ക്കാര്, എയ്ഡഡ് സ്ഥാപനങ്ങളിലെ വിദ്യാര്ത്ഥികള്ക്കുള്ള കണ്സെഷന് അതുപോലെ തുടരുമെന്നും നിരക്ക് മാറ്റാനുള്ള ഒരു തീരുമാനവും എടുത്തിട്ടില്ലെന്നും ഗതാഗത മന്ത്രി ആന്റണി രാജു. മറിച്ചുള്ള വാർത്തകൾ അടിസ്ഥാന രഹിതമാണെന്നും മന്ത്രി പറഞ്ഞു.
ഈവനിങ് ക്ലാസുകൾക്കും മറ്റും പോകുന്ന നിരവധി റിട്ടയേഡ് ഉദ്യോഗസ്ഥർ കണ്സെഷനുവേണ്ടി അപേക്ഷിക്കുന്നതുകൊണ്ട് വയസിന്റെ കാര്യത്തിൽ മാത്രമാണ് ഇപ്പോൾ തീരുമാനമുണ്ടായിരിക്കുന്നതെന്നും മന്ത്രി വ്യക്തമാക്കി.
‘അണ് എയ്ഡഡ്, സ്വാശ്രയ സ്ഥാപനങ്ങളിലെ വിദ്യാര്ത്ഥികള്ക്ക് നിലവില് 65 ശതമാനം കണ്സെഷനുണ്ട്. വയസിന്റെ കാര്യത്തില് മാത്രമാണ് ഇപ്പോള് തീരുമാനമുണ്ടായിരിക്കുന്നത്. കാരണം നിരവധിറിട്ടയേഡ് ഉദ്യോഗസ്ഥരൊക്കെ പലരും ഈവനിങ് ക്ലാസുകള്ക്കൊക്കെ പോകുന്നവരുണ്ട്. അവര് പോലും കണ്സെഷനുവേണ്ടി അപേക്ഷിക്കുന്നതുകൊണ്ടാണ് പ്രായപരിധി വച്ചത്. പി ജി ക്ലാസുകളില് പോലും 25 വയസിന് താഴെയുള്ളവരാണ് ഇന്നുള്ളത്. തീരുമാനം വിദ്യാര്ത്ഥികളെ ഒരുതരത്തിലും ബാധിക്കുന്നതല്ല’.
അടുത്ത വര്ഷം മുതല് ഓണ്ലൈനിലൂടെയായിരിക്കും കണ്സെഷന് വിതരണമെന്നും
അര്ഹതയുള്ളവര്ക്ക് കിട്ടുന്നതാണ് കണ്സെഷനെന്നും മന്ത്രി കൂട്ടിച്ചേര്ത്തു.
