സോളാർ പീഡന കേസിൽ ഉമ്മൻ ചാണ്ടിക്ക് ക്ലീൻ ചിറ്റ് നൽകിയതിനെതിരെ ഹർജി നൽകുമെന്ന് പരാതിക്കാരി .ഇതുമായി ബന്ധപ്പെട്ട 6 കേസിലും ഹർജി നൽകുമെന്നും നിയമോപദേശത്തിന്റെ അടിസ്ഥാനത്തിൽ ആണ് തീരുമാനം എന്നും പരാതിക്കാരി വ്യക്തമാക്കി. അബ്ദുള്ളകുട്ടിയെ വെള്ള പൂശാൻ ആണ് ബാക്കി ഉള്ളവർക്കും സി ബി ഐ ക്ലീൻ ചിറ്റ് നൽകിയതെന്നും പരാതിക്കാരി അഭിപ്രായപ്പെട്ടു.
സോളാര് പീഡനക്കേസില് മുന് മുഖ്യമന്ത്രി ഉമ്മന് ചാണ്ടിക്കും എ പി അബ്ദുള്ളക്കുട്ടിക്കുമെതിരെ തെളിവില്ലെന്ന് ചൂണ്ടിക്കാണിച്ചാണ് സിജെഎം കോടതിയില് സിബിഐ റിപ്പോര്ട്ട് നല്കിയത്. പരാതിക്കാരിയുടെ മൊഴികളില് വൈരുധ്യമെന്നും റിപ്പോര്ട്ടില് പറയുന്നു. ഇതോടെ സര്ക്കാര് കൈമാറിയ എല്ലാ കേസിലേയും പ്രതികളെ സിബിഐ കുറ്റവിമുക്തരാക്കി. കേസില് നേരത്തേ ഹൈബി ഈഡന്, അടൂര് പ്രകാശ്, എ പി അനില് കുമാര്, കെ സി വേണുഗോപാല് എന്നിവര്ക്ക് സിബിഐ ക്ലീന് ചിറ്റ് നല്കിയിരുന്നു.
