ഇംഫാൽ : വംശീയ കലാപത്തിൽ ആളിക്കത്തുന്ന മണിപ്പുരിന് സാന്ത്വനവുമായി കോൺഗ്രസ് നേതാവ് രാഹുൽ ഗാന്ധി. രാവിലെ ഡൽഹി വിമാനത്താവളത്തിൽനിന്ന് പുറപ്പെട്ട രാഹുൽ 11 മണിയോടെയാണു തലസ്ഥാനമായ ഇംഫാലില് എത്തിയത്. കുക്കി മേഖലയായ ചുരാചന്ദ്പുരാണ് ആദ്യം സന്ദര്ശിക്കുക. മെയ്തെയ് മേഖലകളിലെ ക്യാംപുകളും സന്ദര്ശിക്കും. പ്രദേശവാസികളുമായി രാഹുൽ സംവദിക്കും. ഇന്ന് മണിപ്പുരില് തങ്ങുന്ന രാഹുലിന്റെ കൂടെ, കോൺഗ്രസ് സംഘടനാ ചുമതലയുള്ള ജനറൽ സെക്രട്ടറി കെ.സി.വേണുഗോപാൽ ഉൾപ്പെടെയുള്ള നേതാക്കളുമുണ്ട്.
വിദ്വേഷം പടര്ന്ന മണിപ്പുര് സമൂഹത്തില് സ്നേഹത്തിന്റെ സന്ദേശവുമായാണ് രാഹുല് എത്തുന്നതെന്ന് കോണ്ഗ്രസ് നേതൃത്വം പറഞ്ഞു. മണിപ്പുര് വിഷയത്തില് പ്രധാനമന്ത്രി നരേന്ദ്ര മോദി മൗനം തുടരുമ്പോഴാണ് രാഹുലിന്റെ സന്ദര്ശനമെന്നും കോൺഗ്രസ് ചൂണ്ടിക്കാട്ടുന്നു. ഉച്ചയ്ക്കു ശേഷം ഇംഫാലിലേക്കു മടങ്ങുന്ന രാഹുൽ മെയ്തെയ് അഭയാർഥി ക്യാംപുകളിലെത്തും. തുടർന്ന് മെയ്തെയ് നേതാക്കളുമായി ചർച്ച.
മേയ് 3ന് സംഘർഷം പൊട്ടിപ്പുറപ്പെട്ട ശേഷം ആദ്യമായാണ് രാഹുൽ മണിപ്പുരിലെത്തുന്നത്. സര്വകക്ഷിയോഗത്തില് പ്രധാനമന്ത്രി പങ്കെടുക്കാത്തതിനെ രാഹുല് വിമര്ശിച്ചിരുന്നു. കലാപത്തിൽ ഇതുവരെ 131 പേര് കൊല്ലപ്പെട്ടെന്നാണ് ഔദ്യോഗിക കണക്ക്. കലാപബാധിതര്ക്ക് കേന്ദ്രസര്ക്കാര് 101.75 കോടിയുടെ സാമ്പത്തിക സഹായം പ്രഖ്യാപിച്ചു. കോൺഗ്രസ് നേതാക്കളായ മുകുൾ വാസ്നിക്, സുദീപ് റോയ് ബർമൻ, അജോയ് കുമാർ എന്നിവരടങ്ങിയ വസ്തുതാന്വേഷണ സമിതിയെ
