കേരള സര്ക്കാര് ആദ്യമായി ഏര്പ്പെടുത്തിയ പരമോന്നത ദൃശ്യമാധ്യമ പുരസ്കാരമായ ടെലിവിഷന് ലൈഫ് ടൈം അച്ചീവ്മെന്റ് അവാര്ഡിന് ശശികുമാര് അര്ഹനായതായി സാംസ്കാരിക മന്ത്രി സജി ചെറിയാന് അറിയിച്ചു. ടെലിവിഷന് രംഗത്തിന് നല്കിയ സമഗ്ര സംഭാവനകള് പരിഗണിച്ചാണ് പുരസ്കാരം.
കെ.സച്ചിദാനന്ദന് ചെയര്മാനും വെങ്കിടേഷ് രാമകൃഷ്ണന്, എസ് ശാരദക്കുട്ടി, ചലച്ചിത്ര അക്കാദമി ചെയര്മാന് കമല്, സാംസ്കാരിക വകുപ്പ് പ്രിന്സിപ്പല് സെക്രട്ടറി റാണി ജോര്ജ് ഐ.എ.എസ് എന്നിവര് അംഗങ്ങളുമായ സമിതിയാണ് പുരസ്കാര ജേതാവിനെ തെരഞ്ഞെടുത്തത്.
രണ്ടു ലക്ഷം രൂപയും പ്രശംസാപത്രവും ശില്പ്പവും അടങ്ങുന്നതാണ് അവാര്ഡ്.
