ആന്റണി രാജുവിനെതിരായ തൊണ്ടിമുതല് കേസില് വിചാരണ നീണ്ടുപോയതില് വിശദീകരണം തേടി ഹൈക്കോടതി. കേസിന്റെ വിചാരണ രണ്ട് പതിറ്റാണ്ട് കഴിഞ്ഞിട്ടും തുടങ്ങാത്തതിനെതിരായ പൊതു താത്പര്യ ഹര്ജിയില് വിചാരണകോടതിക്ക് നോട്ടീസയക്കാന് ഹൈക്കോടതി ഉത്തരവിട്ടു. റിപ്പോര്ട്ട് ലഭിച്ച ശേഷം ഹര്ജി ഫയലില് സ്വീകരിക്കണമോയെന്ന് തീരുമാനിക്കും.2014-ല് കോടതിക്ക് മുമ്പാകെയെത്തിയ കേസില് എന്തുകൊണ്ടാണ് ഇത്രയും കാലം തുടര്നടപടിയുണ്ടായില്ലെന്ന് ഹൈക്കോടതി ചോദിച്ചു. ഇത് സംബന്ധിച്ച ഹരജി പരിഗണിക്കവേയാണ് ഹൈക്കോടതി വിമര്ശനം ഉന്നയിച്ചത്.എന്നാൽ, എങ്ങനെയാണ് ഈ കേസ് അവഗണിക്കാനാവുകയെന്ന് കോടതി ചോദിച്ചു. മൂന്നാം കക്ഷിക്ക് മറ്റ് താൽപ്പര്യങ്ങൾ ഉണ്ടെങ്കിൽ തന്നെ ചൂണ്ടിക്കാണിച്ച കാര്യങ്ങൾ അവഗണിക്കാനാകുമോ ?. ഹരജി നിലനിൽക്കുമോ എന്നത് വിശദമായി പരിഗണിക്കാമെന്ന് ഹൈക്കോടതി അറിയിച്ചു.രണ്ടാഴ്ചക്കക്ക് ശേഷം ഹരജി വീണ്ടും പരിഗണിക്കും.
കേസ് നിലനില്ക്കില്ലെന്ന് സര്ക്കാര് അഭിഭാഷകന് ഹൈക്കോടതിയില് വാദിച്ചെങ്കിലും അക്കാര്യം മജിസ്ട്രേറ്റ് കോടതിയുടെ വിശദീകരണം കിട്ടയ ശേഷം പരിഗണിക്കാമെന്ന് ഹൈക്കോടതി അറിയിച്ചു. വിഷയത്തിൽ പറയേണ്ടതെല്ലാം പറഞ്ഞുകഴിഞ്ഞെന്നായിരുന്നു മന്ത്രിയുടെ പ്രതികരണം. കോടതിയിലിരിക്കുന്ന കേസായിതിനാല് പ്രതികരിക്കാനില്ലെന്നും മന്ത്രി പറഞ്ഞു.
