തിരുവനന്തപുരം ജനറല് ആശുപത്രിയില് ചികിത്സാപ്പിഴവിനെ തുടര്ന്ന് യുവതിയുടെ നെഞ്ചില് ട്യൂബ് കുടുങ്ങിയ സംഭവത്തില് നേരത്തെ തന്നെ വിശദമായി അന്വേഷിക്കാന് നിര്ദ്ദേശം നല്കിയിരുന്നുവെന്ന് ആരോഗ്യ മന്ത്രി വീണാ ജോര്ജ്.
ഇതിനായി വിദഗ്ധസമിതിയെയും നിയോഗിച്ചിരുന്നുവെന്നും മന്ത്രി വ്യക്തമാക്കി. സംഭവത്തില് ഉത്തരവാദികള് ആയിട്ടുള്ളവര്ക്കെതിരെ കര്ശന നടപടി സ്വീകരിക്കുമെന്നും മന്ത്രി മാധ്യമങ്ങളോടായി പറഞ്ഞു.
ഏതാനും മാസങ്ങള് മുന്പാണ് ഇത് കണ്ടുപിടിച്ചത്. വിദഗ്ദ്ധ സമിതി റിപ്പോര്ട്ട് ലഭിച്ചിട്ടില്ല. യുവതി ഇപ്പോള് പരാതി ഉന്നയിച്ചിട്ടുണ്ട്. അന്വേഷണത്തില് കുറ്റക്കാരെന്ന് കണ്ടെത്തുന്നവര്ക്കെതിരെ നടപടി ഉറപ്പാണെന്നും മന്ത്രി വ്യക്തമാക്കി.
