കാസർഗോഡ്: ചാലയിൽ സ്കൂൾ ബസ് മറിഞ്ഞ് 35 വിദ്യാർത്ഥികൾക്ക് പരിക്ക്. ബദിരയിലെ പിടിഎം എയുപിസ്കൂളിലെ കുട്ടികളാണ് അപകടത്തിൽപ്പെട്ടത്. ഉച്ചയ്ക്ക് രണ്ടരയോടെയാണ് അപകടം. ബദിരയിലെ പിടിഎം എയുപി സ്കൂളിന് വേണ്ടി ഓടുന്ന ബസാണ്അ പകടത്തിൽപ്പെട്ടത്.
ചാലയിൽ വച്ച് താഴ്ചയിലേക്ക് മറിയുകയായിരുന്നു. ആരുടേയും പരിക്ക് ഗുരുതരമല്ല. ബസിൻറെ ബ്രേക്ക് പോയതാണ് അപകട കാരണമെന്നാണ് സംശയിക്കുന്നത്. ബസിൽ നിറയെ വിദ്യാർത്ഥികളുണ്ടായിരുന്നതായി രക്ഷാ പ്രവർത്തനം നടത്തിയവർ പറഞ്ഞു.
പരിക്കേറ്റ കുട്ടികളെ കാസർകോട്ടെ സ്വകാര്യ ആശുപത്രിയിൽ പ്രവേശിപ്പിച്ചു. ഇരുപതിലധികം വിദ്യാർത്ഥികളെ പ്രഥമ ശുശ്രൂഷ നൽകിയ ശേഷം ഡിസ്ചാർജ് ചെയ്തു. കാസർഗോഡ് പൊലീസ് സ്ഥലത്തെത്തി അന്വേഷണം ആരംഭിച്ചു.
