കൊച്ചി: മുതിർന്ന ആർ എസ് എസ് പ്രചാരക് ആർ ഹരി (93) അന്തരിച്ചു.വാർധക്യ സഹജമായ അസുഖങ്ങളെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു. കേരത്തിൽ നിന്ന് ആർ.എസ്.എസ് തലപ്പത്ത് എത്തിയ ആദ്യ പ്രചാരകനായിരുന്നു ഹരി. ആർ.എസ്. എസ് അഖില ഭാരതീയ ബോധ്യ പ്രമുഖ് ആയി സേവനമനുഷ്ഠിച്ചിരുന്നു.1990ൽ അഖില ഭാരതീയ സഹ ബൗദ്ധിക് പ്രമുഖായി. 91ൽ ബൗധിക് പ്രമുഖും. 1990 മുതൽ 2005 വരെയായിരുന്നു ബൗധിക് പ്രമുഖ് സ്ഥാനം വഹിച്ചത്. 75ാം വയസിൽ ഔദ്യോഗിക ചുമതകളിൽ നിന്ന് ഒഴിഞ്ഞു. രണ്ടു വർഷംകൂടി ചില പ്രത്യേക ചുമതലകൾ തുടർന്നു. 2007 മുതൽ പ്രചാരക് മാത്രം.മലയാളം, കൊങ്കണി, തമിഴ്, ഹിന്ദി, സംസ്കൃതം, ഇംഗ്ലിഷ്, മറാഠി, ഗുജറാത്തി, ബംഗാളി, അസമീസ് എന്നീ 10 ഭാഷകൾ അറിയാവുന്ന ഹരി വിവിധ ഭാഷകളിലായി അറുപതോളം പുസ്തകങ്ങൾ പ്രസിദ്ധീകരിച്ചിട്ടുണ്ട്.ടാറ്റ ഓയിൽ മിൽസിൽ അസി. അക്കൗണ്ടന്റായിരുന്ന പുല്ലേപ്പടി തെരുവിൽപ്പറമ്പിൽ രംഗ ഷേണായിയുടെയും തൃപ്പൂണിത്തുറ സ്വദേശി പത്മാവതിയുടെയും മകനായി 1930 ഡിസംബർ അഞ്ചിന് ആണ് ജനനം.
