സംസ്ഥാന സര്ക്കാരിന്റെ കാരവന് ടൂറിസം പദ്ധതിക്ക് പിന്തുണയുമായി ഹൈബി ഈഡന് എംപി.എറണാകുളം പാര്ലമെന്റ് മണ്ഡലത്തിലെ കടമക്കുടി അടക്കമുള്ള പ്രദേശങ്ങളിലെ ടൂറിസം വികസനത്തിന് വലിയ പിന്തുണയാണ് മുഹമ്മദ് റിയാസിന്റെ ഭാഗത്തു നിന്നും ലഭിക്കുന്നതെന്നും ഇത്തരത്തിലുള്ള മികച്ച തീരുമാനങ്ങള് നാടിന്റെ ഉയിര്ത്തെഴുന്നേല്പ്പിന് ആക്കം കൂട്ടുമെന്നും ഹൈബി ഈഡന് പറഞ്ഞു.
കേരളത്തിന്റെ ടൂറിസത്തിന് പുതിയ മുഖം നൽകുന്ന പദ്ധതിയാണ് കാരവാൻ ടൂറിസം.ഇത് വലിയ പ്രതീക്ഷ കൂടിയാണ്. കോവിഡിൽ തകർന്നടിഞ്ഞ ടൂറിസത്തിന് ഉണർവേകാൻ ഇത്തരം നൂതന ആശ്യങ്ങൾക്ക് സാധിക്കും.
കേരളത്തിലെ “Unexplored Destinations” കൂടുതൽ പ്രയോജനപ്പെടുത്താനാണ് പദ്ധതി ലക്ഷ്യമിടുന്നത്. സംസ്ഥാന ടൂറിസം വകുപ്പും ഗതാഗത വകുപ്പും സംയുക്തമായാണ് പദ്ധതി നടപ്പിലാക്കുന്നത്. എറണാകുളം പാർലമെന്റ് മണ്ഡലത്തിലെ കടമക്കുടി അടക്കമുള്ള പ്രദേശങ്ങളിലെ ടൂറിസം വികസനത്തിന് വലിയ പിന്തുണയാണ് ബഹു. മന്ത്രി മുഹമ്മദ് റിയാസിന്റെ ഭാഗത്തു നിന്നും ലഭിക്കുന്നത്.
ഇത്തരത്തിലുള്ള മികച്ച തീരുമാനങ്ങൾ നാടിന്റെ ഉയിർത്തെഴുന്നേൽപ്പിന് ആക്കം കൂട്ടും. നാടിന്റെ വികസനത്തിന് വേണ്ടിയുള്ള മികച്ച പദ്ധതികൾക്ക് രാഷ്ട്രീയത്തിന് അതീതമായ പിന്തുണ നൽകും. മന്ത്രിമാരായ മുഹമ്മദ് റിയാസിനും ആന്റണി രാജുവിനും അഭിനന്ദനങ്ങൾ.
