എ.കെ.ജി സെൻ്റർ ആക്രമണക്കേസിൽ പ്രതി ജിതിൻ ഉപയോഗിച്ച സ്കൂട്ടർ സംഘം കസ്റ്റഡിയിലെടുത്തു. ജിതിന്റെ വീടിന് സമീപത്തുനിന്നാണ് മുഖ്യതെളിവായ ഡിയോ സ്കൂട്ടര് കണ്ടെത്തിയതെന്നാണ് ക്രൈംബ്രാഞ്ച് പറയുന്നത്. യൂത്ത് കോൺഗ്രസ് നേതാവിൻ്റെ ഡ്രൈവറുടേതാണ് ഈ വാഹനം.ജിതിന്റെ വീടിന് സമീപത്തുതാമസിക്കുന്ന സുഹൃത്തിന്റെതാണ് സ്കൂട്ടര്. ഇടയ്ക്ക് പല ആവശ്യത്തിനും ജിതിന് സുഹൃത്തിന്റെ സ്കൂട്ടര് എടുക്കാറുണ്ട്. അന്ന് രാത്രിയും ജിതിന് സുഹൃത്തിന്റെ വീട്ടില് നിന്ന് എന്തുകാര്യത്തിനാണെന്ന് പറയാതെ സ്കൂട്ടര് എടുക്കകുയായിരുന്നെന്നും ക്രൈംബ്രാഞ്ച് പറയുന്നു. ജിതിന് പറഞ്ഞതുപ്രകാരം യൂത്ത് കോണ്സ്ര് വനിതാ നേതാവാണ് സ്കൂട്ടര് ഗൗരീശപട്ടത്ത് എത്തിച്ച് നല്കിയത്. അവിടെ കാറില് എത്തിയ ജിതിന് കാര് അവിടെ വച്ച് ശേഷം സ്കൂട്ടറില് സഞ്ചരിച്ച് എകെജി സെന്ററിന് നേരെ പടക്കം എറിയുകയായിരുന്നു. അതിന് ശേഷം സ്കൂട്ടര് ഗൗരീശപട്ടത്ത് തിരിച്ചെത്തുകയും വീണ്ടും കാറിലേക്ക് മാറുകയും ചെയ്തു
