ഇടുക്കി: പിക്കപ്പ് വാന് പിന്നോട്ട് എടുക്കുന്നതിനിടയില് വാഹനത്തിനടിയില്പ്പെട്ട് നാലു വയസുകാരന് മരിച്ചു. ഇരട്ടയാര് ശാന്തിഗ്രാം നാലു സെന്റ് കോളനിയിലെ ശ്രാവണ് ആണ് മരിച്ചത്. അനൂപ് – മാലതി ദമ്പതികളുടെ ഇളയ മകനാണ് ശ്രാവണ്. അബദ്ധത്തില് വാഹനത്തിനടിയില് കുടുങ്ങുകയായിരുന്നുവെന്ന് സംഭവ സ്ഥലത്തുണ്ടായിരുന്നവര് പറഞ്ഞു. ഞായറാഴ്ച വൈകിട്ടാണ് അപകടമുണ്ടായത്.
കുടുംബശ്രീ യോഗത്തിന് അമ്മയ്ക്കൊപ്പം എത്തിയതായിരുന്നു ശ്രാവണ്. അതിനിടെ പിക്കപ്പ് ഡ്രൈവര് കുട്ടിയുടെ അമ്മയ്ക്ക് നല്കാനുള്ള പണവുമായി വന്നു. ഡ്രൈവര് വാഹനം നിര്ത്തി സംസാരിക്കുന്നതിനിടയില് അമ്മയ്ക്ക് ഒപ്പം കുട്ടിയും വാഹനത്തിന് സമീപത്തേക്ക് വന്നു.
ശ്രാവണ് നില്ക്കുന്നതറിയാതെ ഡ്രൈവര് വാഹനം എടുത്തതാണ് അപകട കാരണമെന്ന് സംഭവ സ്ഥലത്തുണ്ടായിരുന്നവര് പറഞ്ഞു. കുട്ടിയെ ഉടന് തന്നെ ആശുപത്രിയിലെത്തിച്ചെങ്കിലും മരണം സംഭവിച്ചു.
