ഹേമ കമ്മറ്റി റിപ്പോര്ട്ടില് ആദ്യ കേസ് രജിസ്റ്റര് ചെയ്തു. കൊല്ലം സ്വദേശിനിയായ മേക്കപ്പ് ആര്ട്ടിസ്റ്റ്, മേക്കപ്പ് മാനേജര്ക്ക് എതിരെ നല്കിയ മൊഴിയുടെ അടിസ്ഥാനത്തിലാണ് കേസെടുത്തിരിക്കുന്നത്. ഷൂട്ടിങ് ലൊക്കേഷനില്വെച്ച് അപമര്യാദയായി പെരുമാറിയെന്ന് കാണിച്ച് കൊരട്ടി സ്വദേശി സജീവിനെതിരെയാണ് മേക്കപ്പ് ആര്ട്ടിസ്റ്റ് പരാതി നല്കിയത്. ഈ പരാതിയിലാണ് എഫ്ഐആര് രജിസ്റ്റര് ചെയ്തിരിക്കുന്നത്.
പൊന്കുന്നം പൊലീസ് രജിസ്ട്രര് ചെയ്ത കേസ് സ്പെഷ്യല് ഇന്വെസ്റ്റിഗേഷന് ടീമിന് കൈമാറി. പരാതിക്കാരി നേരത്തെ ഹേമ കമ്മിറ്റിക്ക് മുന്പില് മൊഴി നല്കിയിരുന്നു. പിന്നാലെ പൊലീസിലും പരാതി നല്കുകയായിരുന്നു. ആദ്യമായാണ് ഹേമ കമ്മിറ്റിക്ക് മൊഴി നല്കിയ ഒരാള് പൊലീസില് പരാതിയുമായെത്തുന്നത്. കൊല്ലം പുയമ്പിളിയിലും, കോട്ടയം പൊന്കുന്നത്തും നല്കിയ പരാതികളില് കേസ് രജിസ്റ്റര് ചെയ്തിട്ടുണ്ട്.
