തൃക്കാക്കരയിലെ ഇടത് സ്ഥാനാര്ത്ഥി ജോ ജോസഫിനെതിരായ വ്യാജവീഡിയോ കേസില് പിടിയിലായ അബ്ദുള് ലത്തീഫ് ലീഗ് പ്രവര്ത്തകനല്ലെന്ന് മുസ്ലീം ലീഗ് നേതൃത്വം. ലത്തീഫിന് ലീഗുമായി ഒരു ബന്ധവുമില്ലെന്നാണ് പ്രാദേശിക നേതൃത്വം അറിയിച്ചത്.
ജോ ജോസഫിന്റെ വ്യാജ വീഡിയോ അപ്ലോഡ് ചെയ്ത കേസില് മലപ്പുറം കോട്ടക്കല് സ്വദേശി അബ്ദുള് ലത്തീഫ് ഇന്ന് പൊലീസ് പിടിയിലായി. കൊച്ചി പൊലീസ് പ്രത്യേക സംഘമാണ് അബ്ദുള് ലത്തീഫിനെ പിടികൂടിയത്. കോയമ്പത്തൂരില് നിന്നാണ് ഇയാളെ കസ്റ്റഡിയിലെടുത്തത്. വീഡിയോ പ്രചരിപ്പിച്ച സംഭവത്തില് അഞ്ചുപേരെ പൊലീസ് പിടികൂടിയിരുന്നു. ഇതിന് പിന്നാലെയാണ് വീഡിയോ അപ്ലോഡ് ചെയ്തയാളെയും പൊലീസ് പിടികൂടിയത്.
