കോഴിക്കോട് മെഡിക്കല് കോളേജ് ആശുപത്രി സുരക്ഷാ ജീവനക്കാരെ പതിനഞ്ചംഗ സംഘം മര്ദ്ദിച്ചു.മൂന്ന് സുരക്ഷാ ജീവനക്കാര്ക്കാണ് മർദ്ദനമേറ്റത്. ഇവർ മെഡിക്കല് കോളേജ് ആശുപത്രിയില് ചികിത്സ തേടി. സൂപ്രണ്ട് ഓഫീസിലേക്ക് പോകണമെന്ന് ആവശ്യപ്പെട്ട് രാവിലെ എത്തിയ ദമ്പതിമാരെ സുരക്ഷാ ജീവനക്കാരന് തടഞ്ഞിരുന്നു. തുടര്ന്ന് ഭാര്യയോട് അതിക്രമം കാട്ടിയെന്ന് ആരോപിച്ച് യുവാവും സുരക്ഷാ ജീവനക്കാരും തമ്മില് തര്ക്കമുണ്ടായി.ഇതിനുപിന്നാലെയാണ് ഒരു സംഘം ആളുകളെത്തി സുരക്ഷാ ജീവനക്കാരെ മര്ദിച്ചത്.സുരക്ഷാ ജീവനക്കാരില് ഒരാളെ സംഘം ചേര്ന്ന് ആക്രമിക്കുന്നതിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്.മര്ദ്ദനത്തിന്റെ ദൃശ്യങ്ങള് പകര്ത്താന് ശ്രമിച്ച മാധ്യമ പ്രവര്ത്തകന് ഷംസുദ്ദീനെയും സംഘം അക്രമിച്ചു.അക്രമികളെ ഉടന് അറസ്റ്റ് ചെയ്യണമെന്നാവശ്യപ്പെട്ട് ആശുപത്രി ജീവനക്കാര് പ്രതിഷേധ പ്രകടനം നടത്തി. സംഭവത്തില് മെഡിക്കല് കോളേജ് പൊലീസ് കേസെടുത്ത് അന്വേഷണം തുടങ്ങി.മെഡിക്കല് കോളേജ് ആശുപത്രി സൂപ്രണ്ടിനെ കാണാനെത്തിയ ദമ്പതിമാരെ സുരക്ഷാ ജീവനക്കാര് തടഞ്ഞതാണ് പ്രശ്നങ്ങളുടെ തുടക്കം. ഇവര് മടങ്ങി പോയതിനു പിന്നാലെ സ്ഥലത്തെത്തിയ സംഘം സുരക്ഷാ ജീവനക്കാരെ അക്രമിക്കുകയായിരുന്നു. രോഗികളെ സന്ദര്ശിക്കാന് എത്തിയവര്ക്കും മര്ദനമേറ്റു.ആക്രമണത്തില് വിനേഷന്, ശ്രീലേഷ്, രവീന്ദ്ര പണിക്കര് എന്നീ മൂന്ന് ജീവനക്കാര്ക്കാണ് പരിക്കേറ്റത്
സൂപ്രണ്ടിനെ കാണാനെത്തിയ വനിതയോട് സുരക്ഷാ ജീവനക്കാര് മോശമായി പെരുമാറിയെന്ന പരാതിയും ഉയർന്നിട്ടുണ്ട്. ഇതിന്റെ അടിസ്ഥാനത്തില് സുരക്ഷാ ജീവനക്കാര്ക്കെതിരെയും പോലീസ് കേസെടുത്തു.
