തിരുവനന്തപുരത്ത് തോട് വൃത്തിയാക്കാന് ഇറങ്ങിയ തൊഴിലാളിയെ കാണാതായി. ആമയിഴഞ്ചാന് തോട് വൃത്തിയാക്കാന് ഇറങ്ങിയ മാരായിമുട്ടം സ്വദേശി ജോയിയെയാണ് കാണാതായത്. ഫയര് ആന്ഡ് റെസ്ക്യൂ തെരച്ചില് നടത്തുകയാണ്. തമ്പാനൂര് റെയില്വേ സ്റ്റേഷന് സമീപത്തെ ആദ്യ പ്ലാറ്റഫോമിന് സമീപത്ത് വച്ചാണ് അപകടം ഉണ്ടായത്.
ഒഴുക്കില് പെട്ടെന്നാണ് സംശയം. ഫയര്ഫോഴ്സ് എത്തി രക്ഷിക്കാനുള്ള ശ്രമങ്ങള് ആരംഭിച്ചു. സ്ഥലത്ത് മൂന്ന് ദിവസമായി ജോലി പുരോഗമിക്കുന്നുണ്ട്. റെയില്വേയാണ് ഇവരെ ജോലി ഏല്പ്പിച്ചത്. ഇന്ന് രാവിലെ മുതല് തിരുവനന്തപുരത്ത് ശക്തമായ മഴ പെയ്യുന്നുണ്ട്. ജോയി ഒഴുക്കില്പ്പെട്ടതാവാം എന്നതാണ് അഗ്നിശമനസേനയുടെ പ്രാഥമിക നിഗമനം.
