ലോക്സഭാ പ്രതിപക്ഷ നേതാവ് രാഹുല് ഗാന്ധിയും എ.ഐ.സി.സി. ജനറല് സെക്രട്ടറി പ്രിയങ്ക ഗാന്ധിയും ഇന്ന് വയനാട്ടിലെത്തും. ദുരിതാശ്വാസ ക്യാമ്പുകളും ചികിത്സയിലുള്ളവരെയും ഇരുവരും സന്ദര്ശിക്കും. ബുധനാഴ്ച നിശ്ചയിച്ചിരുന്ന യാത്ര പ്രതികൂല കാലാവസ്ഥയെ തുടര്ന്ന് റദ്ദാക്കിയിരുന്നു.
അതേസമയം വയനാട്ടില് രക്ഷാദൗത്യം തുടരുകയാണ്. . മരണസംഖ്യ ഉയര്ന്നേക്കും. 282 മരണം റിപ്പോര്ട്ട് ചെയ്തിട്ടുണ്ട്. 195 പേര് ചികിത്സയിലാണ്. ഇരുന്നൂറിലധികംപേരെ കാണാതായി. മുണ്ടക്കൈയില് നിന്നും ചാലിയാറില് നിന്നുമായി ഇന്ന് ഇതുവരെ കണ്ടെത്തിയത് 98 മൃതദേഹങ്ങളാണ്. ഇതുവരെ 1600 ഓളം പേരെയാണ് രക്ഷപ്പെടുത്താന് കഴിഞ്ഞത്.
