കൊച്ചി: വേണാട് എക്‌സ്പ്രസില്‍ തിരക്കിനെ തുടര്‍ന്ന് രണ്ട് യാത്രക്കാര്‍ കുഴഞ്ഞുവീണു. കഴിഞ്ഞ ദിവസവും ഒരു യാത്രക്കാരി ട്രെയിനില്‍ കുഴഞ്ഞുവീണിരുന്നു. കോട്ടയത്തിനും എറണാകുളത്തിനും ഇടയ്ക്കാണ് സംഭവം. ഒരു യാത്രക്കാരിയെ ആശുപത്രിയില്‍ എത്തിച്ച് ചികിത്സ നല്‍കി .ചെങ്ങന്നൂര്‍ മുതല്‍ എറണാകുളം വരെ ട്രെയിനില്‍ യാത്ര ചെയ്യാനാവാത്ത സ്ഥിതിയാണെന്ന് യാത്രക്കാര്‍ പരാതിപ്പെട്ടു. മെമു ട്രെയിന്‍ അനുവദിക്കണമെന്ന ആവശ്യവുമായി യാത്രക്കാര്‍ രംഗത്തെത്തി.അവധി ദിനങ്ങള്‍ക്കു ശേഷമുള്ള തിങ്കള്‍ ആയതിനാല്‍ ട്രെയിനില്‍ വലിയ തിരക്കായിരുന്നു.
നേരത്തെയും വേണാട് എക്‌സ്പ്രസില്‍ സമാനസംഭവമുണ്ടായിട്ടുണ്ട്.
