‘സമാന്തര നിയമസഭ’ പ്രതിഷേധത്തിനെതിരെ പരിഹാസവുമായി ഡി.വൈ.എഫ്.ഐ സംസ്ഥാന സെക്രട്ടറി എ.എ. റഹീം. ഫേസ്ബുക്ക് പോസ്റ്റിലൂടെ ആണ് അദ്ദേഹം തന്റെ അഭിപ്രായം പറഞ്ഞത്.
പ്രതീകാത്മക മന്ത്രിസഭയില് പോലും കോണ്ഗ്രസ്സ് പുറത്താണ്. സ്പീക്കറും മുഖ്യമന്ത്രിയുമൊക്ക ലീഗാണ്.
നാടകത്തിലെങ്കിലും ഒരു നല്ല വേഷം കോണ്ഗ്രസ്സിന് കൊടുക്കാമായിരുന്നു,’ റഹീം പറഞ്ഞു.
പ്രതിഷേധസംഗമത്തില് വെച്ച് എം.എല്.എ പി.ടി. തോമസ് അടിയന്തര പ്രമേയം അവതരിപ്പിച്ചു
മുസ്ലിം ലീഗ് എം.എല്.എ പി.കെ. ബഷീറായിരുന്നു സമാന്തര നിയമസഭയില് മുഖ്യമന്ത്രിയായിരുന്നത്. പിണറായി വിജയനെ അനുകരിച്ചുകൊണ്ടായിരുന്നു ബഷീര് പ്രതിഷേധത്തില് സംസാരിച്ചിരുന്നത്. ലീഗ് എം.എല്.എയായ എന്. ഷംസുദ്ദീനായിരുന്നു സ്പീക്കർ
പ്രതിപക്ഷ നേതാവ് വി.ഡി. സതീശന്, ഉപനേതാവ് പി.കെ. കുഞ്ഞാലിക്കുട്ടി തുടങ്ങി പ്രമുഖ നേതാക്കളെല്ലാവരും പ്രതിഷേധത്തില് പങ്കെടുത്തിരുന്നു.
