കളമശ്ശേരി സ്ഫോടന കേസിലെ പ്രതി ഡൊമനിക് മാര്ട്ടിന്റെ വിദേശ ബന്ധത്തില് ഇന്റര്പോളിന്റെ സഹായത്തോടെ വീണ്ടും അന്വേഷണം.. ഇന്റര്പോളിന്റെ സഹായം തേടാനുള്ള ആഭ്യന്തരവകുപ്പിന്റെ അനുമതിയുടെ ഉത്തരവ് റിപ്പോര്ട്ടറിന് ലഭിച്ചു. ഡൊമനിക് മാര്ട്ടിന് ദുബൈയില് ഇലക്ട്രീഷ്യനായി ജോലി ചെയ്തിരുന്നു. ഈ കാലയളവിലെ പ്രവര്ത്തനങ്ങളാണ് അന്വേഷിക്കുക.
പ്രതിക്കെതിരെ ചുമത്തിയിരുന്ന യുഎപിഎ നേരത്തെ ഒഴിവാക്കിയിരുന്നു. കേസില് കഴിഞ്ഞ ഏപ്രിലിലാണ് കുറ്റപത്രം സമര്പ്പിച്ചത്. കേസില് ഡൊമിനിക് മാര്ട്ടിന് മാത്രമാണ് പ്രതിയെന്നും മറ്റാരുടെയും സഹായം ലഭിച്ചിട്ടില്ലെന്നും കുറ്റപത്രത്തില് പറയുന്നു. സ്ഫോടനത്തിലേക്ക് നയിച്ചത് യഹോവ സാക്ഷി പ്രസ്ഥാനത്തോടുള്ള എതിര്പ്പെന്നും കുറ്റപത്രത്തില് പറയുന്നു. എറണാകുളം പ്രിന്സിപ്പല് സെഷന്സ് കോടതിയിലായിരുന്നു കുറ്റപത്രം സമര്പ്പിച്ചത്.
