തിരുവനന്തപുരം: കാട്ടാക്കടയില് പ്ലസ് വണ് വിദ്യാര്ഥിയെ സ്കൂളില് തൂങ്ങി മരിച്ച നിലയില് കണ്ടെത്തി. കുറ്റിച്ചല് വൊക്കേഷണല് ആന്ഡ് ഹയര് സെക്കന്ഡറി സ്കൂള് വിദ്യാര്ഥി എരുമക്കുഴി സ്വദേശി ബെന്സന് എബ്രഹാമാണ് മരിച്ചത്. ഇന്ന് രാവിലെയാണ് വിദ്യാര്ഥിയെ തൂങ്ങി മരിച്ച നിലയില് കണ്ടെത്തിയത്.
ഇന്നലെ വൈകീട്ട് മുതല് കുട്ടിയെ കാണാനില്ലായിരുന്നു. ബന്ധുക്കള് അന്വേഷിക്കുന്നതിനിടെയാണ് തൂങ്ങി മരിച്ച നിലയില് കണ്ടെത്തിയത്. ഇന്ന് സ്കൂളില് പ്രൊജക്ട് സബ്മിറ്റ് ചെയ്യേണ്ട ദിവസമായിരുന്നു. ഇതുമായി ബന്ധപ്പെട്ട് എന്തെങ്കിലും പ്രശ്നങ്ങളുണ്ടോ എന്നറിയില്ലെന്നു ബന്ധുക്കള് പറയുന്നു. പൊലീസ് സ്ഥലത്തെത്തി ഇന്ക്വസ്റ്റ് നടപടികള് സ്വീകരിച്ചു.
