തിരുവനന്തപുരം: ഇന്ത്യയുടെ മുന് ക്രിക്കറ്റ് താരം എസ്.ശ്രീശാന്തിനെ മൂന്ന് വര്ഷത്തേക്ക് വിലക്കി കേരള ക്രിക്കറ്റ് അസോസിയേഷന്. സഞ്ജു സാംസനെ ചാമ്പ്യന്സ് ട്രോഫി ഇന്ത്യന് ടീമില് ഉള്പ്പെടുത്താത്തതിനെ തുടര്ന്നുണ്ടായ വിവാദത്തില് ഇടപ്പെട്ടതാണ് കെ.സി.എയുടെ നടപടിക്ക് കാരണം.
അസോസിയേഷനെതിരെ സത്യവിരുദ്ധവും അപമാനകരവുമായ പ്രസ്താവന നടത്തിയെന്നാണ് കെ.സി.എയുടെ വിലയിരുത്തല്. കേരള ക്രിക്കറ്റ് അസോസിയേഷന്റെ പ്രത്യേക ജനറല് ബോഡിയിലാണ് മുന് അന്താരാഷ്ട്ര താരത്തെ വിലക്കാന് തീരുമാനിച്ചതെന്ന് കെ.സി.എ വാര്ത്ത കുറിപ്പില് അറിയിച്ചു. നിലവില് കേരള ക്രിക്കറ്റ് ലീഗ് ഫ്രാഞ്ചയ്സീ ടീമായ കൊല്ലം ഏരീസ് സഹ ഉടമയാണ് ശ്രീശാന്ത്.
വിവാദമായ പരാമര്ശങ്ങളെ തുടന്ന് നേരത്തെ ശ്രീശാന്തിനും ഫ്രാഞ്ചയ്സീ ടീമുകളായ കൊല്ലം ഏരീസ് , ആലപ്പി ടീം ലീഡ് കൊണ്ടെന്റെര് സായി കൃഷ്ണന് , ആലപ്പി റിപ്പിള്സ് എന്നിവര്ക്കെതിരെയും കാരണം കാണിക്കല് നോട്ടീസ് നല്കിയിരുന്നു. ഫ്രാഞ്ചയ്സീ ടീമുകള് നോട്ടീസിന് തൃപ്തികാരമായ മറുപടി നല്കിയതുകൊണ്ട് തന്നെ അവര്ക്കെതിരെ തുടര്നടപടികള് തുടരേണ്ടതില്ല എന്നാണ് തീരുമാനം.
