പരിഷ്കരണം നടപ്പാക്കാതെ പെൻഷൻകാരെ വഞ്ചിച്ചതിൻ്റെ ഒന്നാം വാർഷിക ദിനമായ ജൂലായ് 1ന് കെ.എസ്.എസ്.പി.എ. കുന്ദമംഗലം നിയോജക മണ്ഡലം കമ്മിറ്റിയുടെ നേതൃത്വത്തിൽ കുന്ദമംഗലം സബ് ട്രഷറിയിൽ പ്രകടനവും വിശദീകരണയോഗവും സംഘടിപ്പിച്ചു. സംസ്ഥാന വനിത ഫാറം പ്രസിഡൻ്റ് എം.വാസന്തി ഉദ്ഘാടനം ചെയ്തു. ജീവനക്കാർക്ക് ലഭിക്കേണ്ട 6 ഗഡു ക്ഷാമാശ്വാസം കുടിശികയാണെന്നും അതിനു പുറമെയാണ് പെൻഷൻ പരിഷ്കരണം വൈകുന്നതെന്നും അവർ പറഞ്ഞു. സംസ്ഥാന വനിതാ കെ.ഉണ്ണികൃഷ്ണൻ അദ്ധ്യക്ഷത വഹിച്ചു. സംസ്ഥാന കമ്മിറ്റി അംഗം വിഷ്ണു നമ്പൂതിരി, ജില്ലാ വൈസ് പ്രസിഡൻ്റ് സേതുമാധവൻ, ശ്രീമതി, കെ.വേലായുധൻ, ശ്യാമള, കെ.സ്വാമിനാഥൻ എന്നിവർ പ്രസംഗിച്ചു.
