പത്തനംതിട്ട: മന്ത്രി വീണാ ജോര്ജിനെതിരെ രൂക്ഷ വിമര്ശനവുമായി സിപിഎം ലോക്കല് കമ്മിറ്റി അംഗത്തിന്റെ ഫേസ്ബുക്ക് പോസ്റ്റ്.
‘മന്ത്രി പോയിട്ട് എംഎല്എ ആയി ഇരിക്കാന് പോലും അര്ഹതയില്ലെന്നും, കൂടുതല് പറയുന്നില്ല, പറയിപ്പിക്കരുതെന്നുമാണ്’- കുറിപ്പ്. പത്തനംതിട്ട ഇലന്തൂര് ലോക്കല് കമ്മിറ്റി അംഗം ജോണ്സണ് പി.ജെ ആണ് ആരോഗ്യ മന്ത്രിക്കെതിരെ പരസ്യ വിമര്ശനവുമായി രംഗത്തെത്തിയത്.
എസ്എഫ്ഐ മുന് ജില്ലാ പ്രസിഡന്റ് ആണ് ജോണ്സണ് പി.ജെ. കോട്ടയം മെഡിക്കല് കോളജിലെ കെട്ടിടം തകര്ന്നുവീണ് അപകടമുണ്ടായതിന് പിന്നാലെ മന്ത്രി നടത്തിയ പ്രതികരണങ്ങളാണ് പ്രകോപനത്തിന് പിന്നിലെന്നാണ് കരുതുന്നത്.
