തിരുവനന്തപുരം: തേവലക്കര സ്കൂളില് വിദ്യാര്ഥി ഷോക്കേറ്റ് മരിച്ച സംഭവത്തില് വീഴ്ച പറ്റിയെന്ന് സമ്മതിച്ച് പൊതുവിദ്യാഭ്യാസ ഡയറക്ടറുടെ റിപ്പോര്ട്ട്. സുരക്ഷ ഉറപ്പാക്കുന്നതില് വീഴ്ച പറ്റിയെന്നും പ്രോട്ടോകോള് പാലിച്ചില്ലെന്നും റിപ്പോര്ട്ടില് പറയുന്നു.
പ്രധാന അധ്യാപികയ്ക്ക് വീഴ്ച പറ്റി. വൈദ്യുതലൈന് വര്ഷങ്ങളായി അപകടാവസ്ഥയില് എന്നും റിപ്പോര്ട്ടില് പരാമര്ശം. ഫിറ്റ്നസ് സര്ട്ടിഫിക്കറ്റ് നല്കുന്നതിന് മുമ്പ് സുരക്ഷാ പരിശോധന കാര്യക്ഷമമാക്കിയില്ലെന്നും ഇതില് ഉദ്യോഗസ്ഥര്ക്കും വീഴ്ച പറ്റിയെന്നും റിപ്പോര്ട്ടില്.
