ഷാർജയിൽ മലയാളി യുവതി ജീവനൊടുക്കിയ സംഭവത്തിൽ അതുല്യയുടെ ഭർത്താവിനെതിരെ കേസെടുത്ത്പൊലീസ് . അതുല്യയുടെ മാതാപിതാക്കളുടെ മൊഴിയുടെ അടിസ്ഥാനത്തിൽ കൊലപാതകക്കുറ്റം, സ്ത്രീധന നിരോധന നിയമം, ആത്മഹത്യാപ്രേരണക്കുറ്റം തുടങ്ങി വിവിധ വകുപ്പുകള് പ്രകാരം ചവറ തെക്കുംഭാഗം പൊലീസ് കേസെടുത്തത്.
സതീഷിന് വിവാഹ സമയത്ത് 48 പവന് സ്വര്ണം നല്കിയെങ്കിലും വീണ്ടും സ്വര്ണം വേണമെന്നാവശ്യപ്പെട്ട് അതുല്യയെ മാനസികമായി പീഡിപ്പിച്ചിരുന്നുവെന്നാണ് രക്ഷിതാക്കള് പറയുന്നത്. 75000 രൂപ നല്കി 11 വര്ഷം മുമ്പ് ബൈക്ക് വാങ്ങി നല്കിയിരുന്നുവെന്നും എന്നാല് അതിന് ശേഷം കാറ് വേണമെന്ന് ആവശ്യപ്പെട്ട് പീഡനമുണ്ടായെന്നും മൊഴിയില് പറയുന്നു. ഇക്കാര്യങ്ങള് അതുല്യ അറിയിച്ചിരുന്നുവെന്നും രക്ഷിതാക്കള് പറയുന്നു.സതീഷ് അതുല്യയെ മര്ദിക്കുന്നതിന്റെ ദൃശ്യങ്ങള് അടക്കം തെളിവായി നല്കിയാണ് കേസ് നല്കിയിരിക്കുന്നത്. സതീഷ് വീട്ടിലിരുന്ന് മദ്യപിച്ച് മര്ദിക്കുന്നതിന്റെയും കത്തിയും കസേരയുമുപയോഗിച്ച് ഭീഷണിപ്പെടുത്തുന്നതിന്റെയും ദൃശ്യങ്ങളാണ് ഡിജിറ്റല് തെളിവായി നല്കിയിരിക്കുന്നത്. സതീഷ് വിദേശത്തായതിനാല് കേരളത്തിലെത്തിയ ഉടന് കേസെടുക്കുമെന്നാണ് പൊലീസ് അറിയിക്കുന്നത്.
