കണ്ണൂര്: കണ്ണൂര് സെന്ട്രല് ജയില് ചാടിയ ഗോവിന്ദച്ചാമിയെ വിയ്യൂര് സെന്ടല് ജയിലിലേക്ക് മാറ്റി. ഇന്ന് രാവിലെ ഏഴു മണിയോടെ കനത്ത സുരക്ഷയിലാണ് ഗോവിന്ദ ചാമിയേയും കൊണ്ടുള്ള പ്രത്യേക വാഹനം കണ്ണൂരില് നിന്ന് പുറപ്പെട്ടത്. കണ്ണൂര് സെന്ട്രല് ജയിലിലെ സുരക്ഷാ പോരായ്മ കണക്കിലെടുത്താണ് ജയില് മാറ്റം. ഇന്നലെ ജയില് ഡി.ജി.പിയുടെ സാന്നിധ്യത്തില് കണ്ണൂരില് നടന്ന യോഗത്തിലാണ് ജയില് മാറ്റാന് തീരുമാനിച്ചത്.
കേരളത്തിലെ ഏറ്റവും സുരക്ഷയുള്ള ജയില് എന്ന നിലയിലേക്കാണ് ഗോവിന്ദച്ചാമിയെ പാര്പ്പിക്കാന് വിയ്യൂര് ജയില് തെരഞ്ഞെടുത്തിരിക്കുന്നത്. ഗോവിന്ദച്ചാമിയെ പാര്പ്പിക്കാന് വിയ്യൂര് ജയിലില് ഏകാന്ത സെല് ഒരുക്കിയിട്ടുണ്ട്. 4.2 മീറ്റര് ഉയരവും സി.സി.ടി.വി നിരീക്ഷണം ഉള്പ്പെടെയുള്ള സൗകര്യങ്ങളുമുള്ള സെല്ലിലാണ് ഗോവിന്ദച്ചാമിയെ പാര്പ്പിക്കുക.
കണ്ണൂര് സെന്ട്രല് ജയിലിലെ അതീവ സുരക്ഷയുള്ള പത്താം ബ്ലോക്കിലെ സെല്ലില് കഴിഞ്ഞ ഗോവിന്ദച്ചാമി ഇന്നലെ പുലര്ച്ചെയാണ് ജയില് ചാടിയത്. രാവിലെ പത്തരയോടെ പിടികൂടിയെങ്കിലും ആഭ്യന്തര വകുപ്പിന് നാണക്കേടുണ്ടാക്കി സംഭവം.
