തിരുവനന്തപുരം: ഫിലിം കോണ്ക്ലേവിലെ വിവാദ പരാമര്ശത്തില് അടൂര് ഗോപാല കൃഷ്ണനെതിരെ കേസെടുക്കാന് കഴിയില്ലെന്ന് പൊലീസിന് നിയമോപദേശം ലഭിച്ചു. അടൂരിന്റെ പ്രസംഗത്തില് എസ്ഇ-എസ്ടി വിഭാഗങ്ങള്ക്കെതിരെ പരാമര്ശമില്ലെന്നും ഫണ്ട് നിര്ത്തലാക്കണമെന്നോ, ഫണ്ട് നല്കുന്നത് ശരിയില്ലെന്നോ അടൂര് പറയുന്നില്ല എന്നാണ് പൊലീസിന് ലഭിച്ച നിയമോപദേശത്തില് പറയുന്നത്.
സിനിമ നയരൂപീകരണ യോഗത്തില് അടൂര് നടത്തിയ ഒരു അഭിപ്രായ പ്രകടനത്തിന്റെ പേരില് ഒരു കേസ് എടുക്കാന് സാധിക്കില്ല എന്നാണ് വിശദീകരണം.ഫിലിം കോണ്ക്ലേവ് സമാപന ചടങ്ങിലാണ് പട്ടികജാതി വിഭാഗത്തിനും സ്ത്രീകള്ക്കുമെതിരെ അടൂര് ഗോപാലകൃഷ്ണന് അധിക്ഷേപ പരാമര്ശം നടത്തിയത്. പട്ടികജാതി വിഭാഗത്തില് നിന്ന് സിനിമയെടുക്കാന് വരുന്നവര്ക്ക് പരിശീലനം നല്കണമെന്നായിരുന്നു അടൂര് ഗോപാലകൃഷ്ണന്റെ വിവാദ പരാമര്ശം.
