തിരുവനന്തപുരം: യൂത്ത് കോണ്ഗ്രസ് അധ്യക്ഷന് രാഹുല് മാങ്കൂട്ടത്തിലിനെതിരെ മറ്റൊരു ഗുരുതര ആരോപണം പുറത്ത്. ഗര്ഭം അലസിപ്പിക്കാന് യുവതിയെ രാഹുല് നിര്ബന്ധിക്കുന്ന സംഭാഷണമാണ് പുറത്ത് വന്നിരിക്കുന്നത്. യുവതിയും രാഹുലും തമ്മിലുള്ള സംഭാഷണമാണ് പ്രചരിക്കുന്നത്. യുവതിയുടെ സ്വകാര്യത മാനിച്ച് സാങ്കേതിക സഹായത്തോടെ ശബ്ദം മാറ്റംവരുത്തിയാണ് ശബ്ദം പുറത്തുവിടുന്നത്. ഗര്ഭം അലസിപ്പിക്കണമെന്നും വളര്ത്താന് തയ്യാറാവരുതെന്നും ശബ്ദ സന്ദേശത്തില് പറയുന്നുണ്ട്. എന്നാല് പുറത്തുവന്ന ശബ്ദ സന്ദേശത്തിലോ മറ്റാരോപണങ്ങളിലോ ഇതുമായി ബന്ധപ്പെട്ട് എംഎല്എയുടെ ഭാഗത്ത് നിന്ന് പ്രതികരണമൊന്നും വന്നിട്ടില്ല. ആരോപണങ്ങളുടെ പശ്ചാത്തലത്തില് രാഹുല് മാങ്കൂട്ടത്തില് പാര്ട്ടിയില് ഒറ്റപ്പെട്ട അവസ്ഥയിലാണ്.
പെണ്ണുപിടിയനായ സംസ്ഥാന പ്രസിഡന്റല്ല സംഘടനയ്ക്കുളളതെന്ന് പൊതുസമൂഹത്തെ ബോധ്യപ്പെടുത്തണമെന്നായിരുന്നു യൂത്ത് കോണ്ഗ്രസ് സംസ്ഥാന കമ്മിറ്റിയില് വനിതാ നേതാവ് ഉയര്ത്തിയ ആവശ്യം. കടുത്ത ഭാഷയില് സഹപ്രവര്ത്തകരില് നിന്നു പോലും വിമര്ശനം ഉയര്ന്നിട്ടും മറുപടി പറയാന് രാഹുല് മാങ്കൂട്ടത്തില് ഇതുവരെ തയ്യാറായിട്ടില്ല.
