വി ഡി സതീശന്റെയും ഷാഫിയുടെയും മുന്പില് രാഹുലിനെതിരെ നിരവധി പരാതികള് കിട്ടിയിരുന്നു. എന്നാല് ഒന്നും കിട്ടിയില്ലെന്നാണ് ഷാഫിയും സതീശനും പറയുന്നത് എന്ന് ഡി വൈ എഫ് ഐ സംസ്ഥാന സെക്രട്ടറി വി കെ സനോജ്.
എഫ് ഐ ആര് ഇല്ല, കേസ് ഇല്ല എന്ന വാദം കേരളത്തിലെ ജനങ്ങളോടുള്ള വെല്ലുവിളിയാണ്. ഡി വൈ എഫ് ഐ പ്രതിഷേധം തുടരും. പരാതി പറഞ്ഞ സ്ത്രീകളെ സമൂഹ മാധ്യങ്ങളിലൂടെ അധിഷേപിക്കുന്നവരെ പ്രവര്ത്തകരെ അണിനിരത്തി നേരിടും എന്നും വി കെ സനോജ് പ്രതികരിച്ചു.
അതേസമയം, ആരോപണങ്ങളില് ഉലഞ്ഞ് യൂത്ത് കോണ്ഗ്രസ് അധ്യക്ഷസ്ഥാനം രാജിവെച്ച യുവ കോണ്ഗ്രസ് നേതാവ് രാഹുല് മാങ്കൂട്ടത്തില്, എംഎല്എ പദവിയും രാജിവെക്കണമെന്ന് പാര്ട്ടിക്കുള്ളില് ആവശ്യം ശക്തമാകുന്നു. ഇക്കാര്യത്തില് വിട്ടുവീഴ്ച വേണ്ടെന്നാണ് മുതിര്ന്ന നേതാക്കളുടെ ശക്തമായ നിലപാട്. എന്നാല് രാജി വേണ്ടെന്ന് ഒരു വിഭാഗം നേതാക്കളും വാദിക്കുന്നുണ്ട്.
