പ്രധാനമന്ത്രി നരേന്ദ്ര മോദിയുടെ ബിരുദം സംബന്ധിച്ച വിവരങ്ങള് വെളിപ്പെടുത്തണമെന്ന് ദില്ലി സര്വകലാശാലയോട് നിര്ദ്ദേശിച്ച കേന്ദ്ര വിവരാവകാശ കമ്മീഷന്റെ (സിഐസി) ഉത്തരവ് ദില്ലി ഹൈക്കോടതി റദ്ദാക്കുകയായിരുന്നു.
ജസ്റ്റിസ് സച്ചിന് ദത്തയാണ് ഉത്തരവ് പ്രസ്താവിച്ചത്. 1978-ല് ബിഎ പ്രോഗ്രാം പാസായ വിദ്യാര്ത്ഥികളുടെ രേഖകള് പരിശോധിക്കാന് അനുവദിച്ച സിഐസിയുടെ ഉത്തരവിനെതിരെ 2017-ല് ദില്ലി സര്വകലാശാല ഹര്ജി ഫയല് ചെയ്യുകയായിരുന്നു.അന്ന് പ്രധാനമന്ത്രി നരേന്ദ്ര മോദിയും പരീക്ഷ പാസായി എന്നാണ് മോദി പറയുന്നത്.
