കൊച്ചി: ബലാത്സംഗക്കേസില് റാപ്പര് വേടന് മുന്കൂര് ജാമ്യം അനുവദിച്ച് ഹൈക്കോടതി. വ്യവസ്ഥകളോടെയാണ് ജാമ്യം അനുവദിച്ചിരിക്കുന്നത്. സെപ്റ്റംബര് 9 ന് അന്വേഷണ ഉദ്യോഗസ്ഥനു മുന്നില് ഹാജരാകാനും കോടതി നിര്ദേശിച്ചു. അന്വേഷണ സംഘത്തിന് മുന്നില് വേടന് ഹാജരാകണമെന്നും അറസ്റ്റ് രേഖപ്പെടുത്തിയാല് ജാമ്യത്തില് വിട്ടയക്കണമെന്നും കോടതി നിര്ദേശിച്ചു. തൃക്കാക്കര പൊലീസ് രജിസ്റ്റര് ചെയ്ത ബലാത്സംഗ കേസിലാണ് വേടന് ജാമ്യം ലഭിച്ചിരിക്കുന്നത്. യുവഡോക്ടറാണ് വേടനെതിരെ പീഡന പരാതി നല്കിയത്.
