സംസ്ഥാനത്ത് സ്കൂള് തുറക്കുന്നതിന് കരട് മാര്ഗരേഖയായി.ക്ലാസുകള് തുടങ്ങുന്നതിന് മുന്പായി പിടിഎ യോഗം വിളിച്ചുചേര്ക്കുമെന്ന് വിദ്യാഭ്യാസമന്ത്രി വാര്ത്താ സമ്മേളനത്തില് പറഞ്ഞു.സ്കൂളിന് മുന്നിലെ കടകളില് പോയി ഭക്ഷണം കഴിക്കാന് അനുവദിക്കില്ല.ഒരു ബെഞ്ചില് രണ്ടുപേര് എന്ന രീതിയില് ആയിരിക്കും ക്രമീകരണങ്ങള്. കൂട്ടം ചേരാന് അനുവദിക്കില്ല. ഓട്ടോയില് രണ്ട് കുട്ടികളില് കൂടുതല് പാടില്ല. ശശീര ഊഷ്മാവ്, ഓക്സിജന് എന്നിവ പരിശോധിക്കാന് സംവിധാനം ഒരുക്കും.കൈകഴുകാന് എല്ലാ ക്ലാസ് റൂമിലും കവാടത്തിലും സോപ്പും വെള്ളവും ഉണ്ടാകും. ഒരു കുട്ടികളെയും കൂട്ടം കൂടാന് അനുവദിക്കില്ല. ഉച്ചഭക്ഷണം ഒഴിവാക്കും. പകരം അലവന്സ് നല്കാനാണ് ആലോചിക്കുന്നതെന്ന് വിദ്യാഭ്യാസമന്ത്രി പറഞ്ഞു.
അതേസമയം പ്ലസ് വണ് പ്രവേശനത്തില് ആശങ്ക വേണ്ടെന്ന് വിദ്യാഭ്യാസ മന്ത്രി വി ശിവന്കുട്ടി പറഞ്ഞു. മുഴുവന് വിദ്യാര്ത്ഥികള്ക്കും അവസരം കിട്ടും. സീറ്റ് ഒഴിഞ്ഞുകിടക്കുന്ന ജില്ലകളില് നിന്ന് കുറവുള്ള ജില്ലകളിലേക്ക് മാറ്റും. മലബാര് മേഖലയില് 20 ശതമാനം സീറ്റ് കൂട്ടിയെന്നും മന്ത്രി പറഞ്ഞു.
