തദ്ദേശ തെരഞ്ഞെടുപ്പുമായി ബന്ധപ്പെട്ട് തെരഞ്ഞെടുപ്പ് വിഭാഗത്തിന്റെ നേതൃത്വത്തില് ഉദ്യോഗസ്ഥര്ക്ക് പരിശീലനം സംഘടിപ്പിച്ചു. കണ്ടംകുളം ജൂബിലി ഹാളില് നടന്ന പരിപാടി ജില്ലാ കലക്ടര് സ്നേഹില് കുമാര് സിംഗ് ഉദ്ഘാടനം ചെയ്തു. ജില്ലയിലെ ഗ്രാമപഞ്ചായത്തുകള്, നഗരസഭകള്, കോര്പറേഷന്, ബ്ലോക്ക് പഞ്ചായത്തുകള്, ജില്ലാ പഞ്ചായത്ത് എന്നിവിടങ്ങളിലെ വരണാധികാരികള്ക്കും ഉപവരണാധികാരികള്ക്കും ഇലക്ഷന് ക്ലര്ക്കുമാര്ക്കുമാണ് പരിശീലനം സംഘടിപ്പിച്ചത്.
ഒക്ടോബര് 13 മുതല് 16 വരെ ഗ്രാമപഞ്ചായത്തുകളിലെയും ഒക്ടോബര് 18ന് ബ്ലോക്ക് പഞ്ചായത്തുകളിലെയും 21ന് ജില്ലാ പഞ്ചായത്തിലെയും സംവരണ വാര്ഡുകള് നിശ്ചയിക്കുന്നതിനുള്ള നറുക്കെടുപ്പ് ജില്ലാ തെരഞ്ഞെടുപ്പ് ഉദ്യോഗസ്ഥന്റെ നേതൃത്വത്തില് കലക്ടറേറ്റ് കോണ്ഫറന്സ് ഹാളില് നടക്കുമെന്ന് ഇലക്ഷന് ഡെപ്യൂട്ടി കലക്ടര് അറിയിച്ചു.
