മലപ്പുറം: നിലമ്പൂരിലെ കരുളായി ഉൾവനത്തിൽ താമസിക്കുന്ന പ്രാക്തന ഗോത്രവിഭാഗമായ ചോലനായ്ക്കർ വിഭാഗത്തിലെ സുസ്മിത (20) പനി ബാധിച്ച് ചികിത്സയിലിരിക്കെ മരിച്ചു. കരുളായിയിൽ നിന്ന് 25 കിലോമീറ്റർ അകലെ കുപ്പമലയിൽ പാറ അളയിൽ താമസിച്ചിരുന്ന സുസ്മിതയ്ക്ക് മൂന്നാഴ്ച മുമ്പാണ് പനി തുടങ്ങിയത്. വെള്ളിയാഴ്ച ജില്ലാ ആശുപത്രിയിൽ പ്രവേശിപ്പിച്ചെങ്കിലും, ഞായറാഴ്ചയോടെ രക്തസമ്മർദ്ദവും ഓക്സിജന്റെ അളവും കുറഞ്ഞതിനെത്തുടർന്ന് തീവ്രപരിചരണ വിഭാഗത്തിലേക്ക് മാറ്റിയെങ്കിലും ജീവൻ രക്ഷിക്കാനായില്ല.
