തിരഞ്ഞെടുപ്പ് രാഷ്ട്രീയം താന് അവസാനിപ്പിച്ചെന്ന് മന്ത്രി ഇ.പി.ജയരാജന്.ഇനി ഒരു തെരഞ്ഞെടുപ്പിലും മത്സരിക്കാനില്ലെന്നും സി.പി.ഐ.എം നേതാവും വ്യവസായ വകുപ്പ് മന്ത്രിയുമായ ഇ.പി ജയരാജന് പറഞ്ഞു.
പാര്ട്ടി പറഞ്ഞാലും മത്സരിക്കാനില്ലെന്നും അസൗകര്യം പാര്ട്ടിയെ ബോധ്യപ്പെടുത്തുമെന്നും ഇ.പി പറഞ്ഞു.ഈ കാണുന്ന പോലെയല്ല. എനിക്ക് പ്രായമായി. രോഗം വന്നു. ഇപ്പോഴത്തെ പോലെ തിരഞ്ഞെടുപ്പുകളിലും ജനസേവന പ്രവര്ത്തനങ്ങളിലും ഇറങ്ങി പ്രവര്ത്തിക്കാനുള്ള ആരോഗ്യപരമായ സാധ്യതകള് കുറഞ്ഞ് വരുന്നു’ ജയരാജന് പറഞ്ഞു. കണ്ണൂരില് മാധ്യമങ്ങളോട് സംസാരിക്കുകയായിരുന്നു അദ്ദേഹം .
എന്റെ നിലപാട് പാര്ട്ടി അംഗീകരിക്കുമെന്നാണ് തോന്നുന്നത്. എനിക്കൊക്കെ പ്രായമായി. ഈ കാണുന്നതൊന്നുമല്ല. രോഗമൊക്കെ വന്നു. ഇന്നത്തെ നിലയില് കൂടുതല് ജനസേവനങ്ങളിലും തെരഞ്ഞെടുപ്പ് പ്രവര്ത്തനങ്ങളിലൊന്നും ഇറങ്ങി പ്രവര്ത്തിക്കാനുള്ള ആരോഗ്യപരമായിട്ടുള്ള സാധ്യത കുറഞ്ഞുവരികയാണ്. നിങ്ങള് കാണുന്ന പ്രായമൊന്നുമല്ല എനിക്ക്. 70 വയസ് എന്നത് ഒരു പ്രായം തന്നെയാണ്’, എന്നായിരുന്നു മന്ത്രി പറഞ്ഞത്.പിണറായി വിജയന് പ്രത്യേക ശക്തിയും ഊര്ജവും കഴിവുമുള്ള മഹാമനുഷ്യനാണ്. അദ്ദേഹത്തിന്റെ അടുത്തെത്താന് സാധിച്ചെങ്കില് ഞാന് മഹാപുണ്യവാനായി തീരും. അദ്ദേഹം ആകാന് കഴിയുന്നില്ല എന്നതാണ് എന്റെ ദുഃഖം. ഏത് കാര്യത്തെ കുറിച്ചും പിണറായിക്ക് നിരീക്ഷണമുണ്ട്. നിശ്ചയദാര്ഢ്യമുണ്ട്’ ജയരാജന് കൂട്ടിച്ചേര്ത്തു.
സിപിഎം കേന്ദ്ര കമ്മിറ്റി അംഗമായ ഇ.പി. ജയരാജന്. എസ്എഫ്ഐയിലൂടെയാണ് പൊതുരംഗത്ത് എത്തിയത്.
